قصيدة ( المشتكيٰ )/عظيم البوخنفرابوتوفيق

قصيدة ( المشتكيٰ )

ياربي يامعبود ياخالق الكون

سبحانك الماغيرأمرك نطيعه

فرّجهه عدنه اهموم ماتنحصيٰ اطنون

ضاگت علينه اهواي دنيا الوسيعه

قتل ونهب وأعمال لإتخيّب إضنون

مامش عمل بي خير كلهن شنيعه

ماضل فكرمرتاح كلشي صبح دون

فكرة صلح ماشوف گشره و مريعه

عالم قتل وارهاب كل شيته مجنون

ينعد صبح هليوم عالم خديعه

ماكواحترام الجاروالكل صفه ايخون

ابفن الخيانه الناس صارت بديعه

والحاله يسره الناس خدام اله ايّيون

ياويلي عألمسكين ماسدجيعه

وابغابه صرنه انعيش خابة لنٰا إضنون

دنيا وصفت لدّون حلوه و تبيعه

اهل المطامع حيف كثره ويزيدون

لو بإلأخو دينار تعطي يبيعه

والچذب صاراهواي من كل صفه ولون

عيشة كدر واحزان كلّش مريعه

والفتن كل امچان من هل يفتنون

مـنـّه اشكثرشبّان طاحة صريعه

ك/عظيم البوخنفرابوتوفيق

برچسبها: قصیدة , المشتكيٰ , عظيم البوخنفرابوتوفيق مدونة تراث الفلاحيه...