قصيدة (ارد احچي)/عظيم البوخنفرابوتوفيق

قصيدة (ارد احچي)

ارداحچي وعن ياحال احچي

عن ياهم يامحنه وحرگه

واردابچي ابياعين من ابچي

وابچي اعليكم لو عألفرگه

نتعاتب لولا..... لانسكت

لإمعاتب خل بابه انغلگه

ولو نتعاتب بيش إنعاتب

بيمن ينسه العاشگ عشگه

گابلني وخل ننسه الماضي

وكتر اكتاب الماضي وطبگه

وخل اصفن وانظر بإعيونك

وانتَ انظربإعيوني اشتلگه

تلگه العالم كله ابكبره

صافن ساكت ضايگ خلگه

وتلگه الدنيا ادور ابعيني

وروحي وياهه اشگدمختنگه

وتلگه اهموم ابعيني اتحوم

وتدمع لوتسمع چف صفگه

وتلگه اغيوم وماكوانجوم

وتلگه اهموم احمول وخنگه

وتلگه آلام امخزنه اعوام

وتتنطّرياساعه الملگه

وتلگه الروح اتحوم اتنوح

وتطلع ياساعه ابفد شهگه

ومن شفتك كل حالي اتبدل

حسّيت ابفدرهبه وعرگه

وشفت اعيونك بيهه اسرار

وكل سرجاوبني ابفدبرگه

وانت اعيونك كلهن رقه

وحسّت عيني ابعينك ترگه

اي خل ننسه الماضي ونبدي

وخل دفترماضينه انحرگه

وخل نفتح صفحه ونبديهه

الليله ونگضي الليله ابشبگه

خل اشتم عطرك ياجوري

وعطرك صوب امفارج مرگه

وخأنعيش العمرالباقيلي

وباقيلك بأفراح انطرگه

ك/عظيم البوخنفرابوتوفيق

برچسبها: قصیدة , ارد احچي , عظيم البوخنفرابوتوفيق مدونة تراث الفلاحيه...